ᐃᓘᓐᓇᒍᖓᔪᑦ ᑐᓴᐅᒪᔭᐅᒋᐊᓖᑦ

ᖃᓄᖅ ᖃᐅᔨᒃᑲᐃᔾᔪᑎᓕᐅᕈᓐᓇᖅᐳᖓ?

ᓱᒐᔭᖅᑲ ᑐᓂᓯᓐᓂᕈᒪ ᐸᐃᑉᐹᓂ ᖃᐅᔨᒃᑲᐃᔾᔪᑎᒥᑦ?

ᖃᓄᖅ ᑭᔾᔪᓯᕐᓂᑦ ᑐᓂᓯᒐᔭᕋᒪ?

ᓱᓕᕋᔭᖅᑲᓕ ᑐᓂᓯᓚᐅᖅᑎᓪᓗᖓ ᑭᔾᔪᓯᕐᓂᑦ?

ᐱᕕᒃᓴᐃᑦ
ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᐱᖁᔭᖅ
ᒪᓕᒐᐃᑦ ᐊᑐᖅᑕᐅᔪᒃᓴᓕᐊᕆᔭᐅᓯᒪᔪᐃᑦ
ᑐᑭᒧᐊᕈᑏᑦ ᐊᒻᒪᓗ ᑐᓴᐅᒪᔭᐅᒋᐊᓖᑦ
ᑕᑕᑎᕆᐊᓖᑦ


ᐊᕐᕋᒍᓕᒪᒥᒃ ᑐᓴᖅᑎᑦᓯᒍᑏᑦ

ᐃᓱᒪᓕᐅᕐᓂᖏᑦ ᓈᓚᑦᑎᑦᑎᓂᖏᓪᓗ

ᐱᒋᐊᖅᑎᑦᑎᑲᓐᓂᕈᒪᓂᖅ

ᐱᖁᔭᓕᕆᔨᒥᒃ ᐃᑲᔪᖅᑎᖃᕐᓂᖅ

ᑭᒡᓕᓯᓂᐊᖄᖅᑏᑦ ᑲᑎᒪᔨᖏᑦ ᐃᖅᑲᓇᐃᖀᖅᑎᖏᓪᓗ

ᓄᓇᕗᒻᒥ ᐃᓄᓐᓄᑦ ᐱᔪᓐᓇᐅᑏᑦ ᑲᑎᒪᔨᖏᑦ

ᓄᓇᕗᒻᒥ ᐃᓄᓐᓄᑦ ᐱᔪᓐᓇᐅᑏᑦ ᑲᑎᒪᔨᖏᑦ ᐃᓱᒪᓕᐅᖅᑎᐅᕙᑦᑐᑦ ᑕᐃᒪᐃᓪᓗᐊᖅᑎᑕᐅᓐᖏᑦᑐᓄᑦ ᐸᕝᕕᓴᑦᑕᐅᔪᓄᓪᓗ ᐱᖁᔭᖅᑎᒍᑦ ᒪᓕᑦᑐᒋᑦ. ᑲᑎᒪᔩᑦ ᑎᒃᑯᐊᖅᑕᐅᕙᑦᑐᑦ ᐊᕐᕌᒍᓄᑦ ᑎᓴᒪᓄᑦ. 2018−ᒥᓂᑦ ᐅᑯᐊᖑᓪᓗᑎᑦ ᑲᑎᒪᔨᖏᑦ:

ᑲᑎᒪᔩᑦ ᑎᒃᑯᐊᖅᑕᐅᕙᑦᑐᑦ ᕿᒥᕐᕈᓂᐊᖅᑐᑎᑦ ᓈᓚᓪᓗᑎᓪᓗ ᐊᐱᖅᓱᖅᑕᐅᔪᓂᑦ. ᑲᑎᒪᔩᑦ ᐃᒻᒥᒃᑰᖅᑐᑦ ᑎᒃᑯᐊᖅᑕᐅᓂᖏᑦ (ᓄᓇᕗᑦ ᒐᕙᒪᒃᑯᓐᓂ) ᐊᒻᒪᓗ ᑕᐱᖃᕆᐊᖃᓐᖏᑦᑐᑦ (ᐱᐅᔅᓴᓂᖅᓴᐅᒋᐊᖃᓐᖏᑦᑐᑦ) ᑕᒪᒃᑯᓂᖓ ᐱᓕᕆᑎᓪᓗᒋᑦ ᑲᑎᒪᔨᐅᓂᖏᓐᓂ.

ᑲᑎᒪᔩᑦ ᐃᑲᔪᖅᑐᖅᑕᐅᕗᑦ ᐃᓄᓐᓄᑦ ᐱᔪᓐᓇᐅᑎᓄᑦ ᑲᑎᒪᔨᓄᑦ ᐃᖅᑲᓇᐃᔭᖅᑎᖓᓐᓄᑦ ᓴᓪᓕᓂᑦ. ᐃᖅᑲᓇᐃᔭᖅᑎᒧᑦ ᐃᑲᔪᖅᑕᐅᔪᓐᓇᖅᑐᓯ ᑐᑭᓯᒋᐊᕐᓗᑎᓪᓗ ᑭᒃᑯᑐᐃᓐᓇᕐᓄᑦ ᐊᒻᒪᓗ ᐃᑲᔪᕈᓐᓇᑦᑎᐊᖅᑐᖅ ᐱᑦᑎᐊᖅᑕᐅᓱᒋᓐᓂᖏᑦᑐᓄᑦ ᐸᕝᕕᓴᑦᑕᒥᓂᕐᓄᓪᓘᓐᓃᑦ.

ᑲᑎᒪᔩᑦ ᖃᐅᔨᓴᖅᑎᐅᓐᖏᑦᑐᓪᓕ ᐱᔭᐅᔪᒪᔪᓂᑦ ᑕᐃᒪᐃᓪᓗᐊᑎᑦᑎᖏᓐᓂᕐᒧᑦ ᐸᕝᕕᓴᓐᓂᒧᓪᓘᓐᓃᑦ. ᑭᓯᐊᓂᓕ, ᑲᑎᒪᔩᑦ ᐃᖅᑲᖅᑐᐃᕕᑎᑐᑦ ᐃᓱᒪᓕᐅᖅᐸᑦᑐᑎᓪᓗ ᑕᐃᒪᐃᓪᓗᐊᖅᑎᑦᑎᖏᑦᑐᖃᕐᓂᕐᒪᖔᖅ ᐸᕝᕕᓴᑦᑐᖃᕐᓂᕐᒪᖔᓪᓘᓐᓃᑦ ᑕᐃᒫᒃ ᐅᖃᐅᓯᐅᓯᒪᒻᒪᑕ.


ᐃᖅᑲᓇᐃᔭᖅᑎ

ᕈᓯ ᑕᓄᔭᖅ ᐃᐅᓪ
ᐊᐅᓚᑦᑎᔨ ᑐᑭᒧᐊᖅᑎᑦᑎᔨ 

 

ᕈᓯ ᑕᓄᔭᖅ ᐃᐅᓪ ᐃᒡᓕᓗᒐᕐᔪᖕᒥᑦ ᐱᕈᖅᓴᓚᐅᖅᓯᒪᔪᖅ. ᕈᓯᓗ ᐃᓚᒌᑦ ᓴᓪᓕᕐᒧᑦ ᓅᓕᓚᐅᖅᓯᒪᔪᑦ 1996ᖑᑎᓪᓗᒍ. 1999 ᐊᐅᔭᖓᓂᑦ, ᐃᖃᓇᐃᔭᕆᐊᓯᓚᐅᖅᓯᒪᔪᖅ ᓄᓇᕗᑦ ᒐᕙᒪᒃᑯᓂᑦ ᐃᓄᓕᕆᔨᐅᓂᕐᒥᒃ. ᕈᓯ ᐱᒋᐊᓕᓚᐅᖅᑐᖅ ᐃᖃᓇᐃᔭᒥᓂᒃ ᑭᒡᓕᓯᓂᐊᖅᑎᐅᓂᕐᒥᒃ ᒪᔾᔨ 2006ᒥ. ᐃᖃᓇᐃᔭᖅᓯᒪᓂᕆᔭᖓ ᐅᓪᓗᒥᒧᑦ ᐊᑑᑎᖃᓈᕐᓯᒪᔭᖓ ᐊᓕᐊᓇᐃᒋᓪᓗᓂᐅᒃ ᐱᐅᓯᖃᑎᒋᖏᑦᑐᓂᒃ ᑭᒃᑯᑐᐃᓐᓇᓂᒃ ᐱᒍᔾᔨᔨᓂᒡᓗ ᐃᖃᓇᐃᔭᖃᑎᖃᕐᖢᓂ.

ᓕᐅ ᐊᖑᑎᐊᓗᒃ
ᑭᒡᓕᓯᓂᐊᖅᑏᑦ ᐱᓕᕆᔨᖓ

 

ᓕᐅ ᐊᖑᑎᐊᓗᒃ ᐱᓕᕆᔨᐅᓯᒪᓕᖅᑐᖅ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᐱᒋᐊᖅᖢᓂ ᒪᔾᔨ 2006ᒥ. ᑭᒡᓕᓯᓂᐊᖅᑎᓄ ᐱᓕᕆᔨᖑᓚᐅᕋᓂᓱᓕ ᓴᓪᓕᕐᒥᑦ ᓴᒃᑯ ᐃᓕᓐᓂᐊᕐᕕᖓᓂᑦ ᐃᖃᓇᐃᔮᖃᖅᓯᒪᔪᑦ ᐃᓕᓐᓂᐊᖅᑎᓂᒃ ᐃᑲᔪᖅᑎᐅᓂᕐᒥᒃ.

ᑲᑎᒪᔩᑦ ᐃᓚᒋᔭᐅᔪᑦ

ᒧᕇᓐ ᑐᕼᐅᑎ
ᐃᒃᓯᕙᐅᑕᖅ 

 

ᒧᐊᕇᑦ ᑐᐊᕈᑎ ᐃᔅᓯᕙᐅᑕᖅ ᓄᓇᕗᑦ ᐃᓄᓐᓂᑦ ᑕᐃᒪᐃᓪᓗᐊᑎᑦᑎᓂᕐᒧᑦ ᑲᑎᒪᔨᖏᓐᓂ ᐊᒻᒪᓗ ᑎᒃᑯᐊᖅᑕᐅᓚᐅᖅᓯᒪᓪᓗᓂ 2014−ᒥ. ᑐᐊᕋᑎ ᑲᑎᒪᔨᕋᓛᓐᓃᔅᓯᒪᔪᖅ ᓴᖅᑮᓂᐊᓕᖅᑎᓪᓗᒋᑦ ᓄᓇᕗᒻᒥ ᐃᓄᓐᓄᑦ ᐱᔪᓐᓇᐅᑎᓄᑦ ᐱᖁᔭᕐᓂᑦ. ᐃᖅᑲᓇᐃᔭᖅᑐᖅ ᐃᔅᓯᕙᐅᑕᐅᓪᓗᓂ ᐋᓐᓂᐊᖅᑕᐃᓕᒪᓂᕐᒧᑦ ᐃᓅᓯᖃᑦᑎᐊᕐᓂᒥᓪᓗ ᓄᓇᕗᑦ ᓯᓚᑦᑐᖅᓴᕐᕕᖓᓐᓂ ᐃᖃᓗᓐᓂ. ᐸᐃᑉᐹᖃᖅᑐᖅ ᐃᓕᓐᓂᐊᖅᑐᓕᕆᔨᒻᒥ. ᐊᑐᖃᑦᑕᖅᓯᒪᒻᒥᔭᖏᑦ ᐃᖅᑲᖅᑐᐃᔨᕋᓛᖑᓪᓗᓂ ᓄᓇᕗᒻᒥ ᐊᒻᒪᓗ ᐃᖅᑲᓇᐃᔭᖅᑎᓄᑦ ᓯᕗᓕᖅᑎᐅᓪᓗᓂ ᖁᓪᓕᖅ ᓄᓇᕗᑦ ᖃᓄᐃᓕᖓᓕᕐᓂᖏᓐᓂ ᐊᕐᓇᐃᑦ ᑲᑎᒪᔨᖏᓐᓄᑦ. ᑐᐊᕋᑎ ᓄᓇᕗᒻᒥᐅᑕᐅᓯᒪᓕᖅᑐᖅ 1983−ᒥᓂᑦ.

ᐅᑲᓕᖅ ᑰᓕ
ᕿᑭᖅᑖᓗᒻᒦᓐᖔᖅᑐᖅ ᑭᒡᒐᖅᑐᐃᔨ

 

ᐅᑲᓕ ᑰᓕ ᐃᖃᓗᓐᓂ ᐃᓅᓚᐅᖅᓯᒪᔪᖅ ᐃᒡᓗᓕᒻᒥᐅᑕᐅᓕᖅᑐᖅ, ᓄᓇᕗᒻᒥ. ᓄᓇᕗᑦ ᒐᕙᒪᒃᑯᖏᓐᓃᓕᖅᑐᖅ ᐊᕐᕌᒍᓄᑦ 15−ᓄᑦ ᐊᒻᒪᓗ ᐃᖅᑲᓇᐃᔭᓚᐅᖅᓯᒪᓪᓗᓂ ᓯᑎᒃᑯᓐᓄ ᐅᑭᐅᓄᑦ ᑎᓴᒪᐅᔪᖅᑐᓄᑦ. ᐱᔭᕇᖅᓯᒪᔪᖅ ᐃᒡᓗᓕᒑᕐᔪᒻᒥ ᐃᓕᓐᓂᐊᕕᒻᒥ ᐸᐃᑉᐹᖅᑖᖅᓯᒪᓪᓗᓂᓗ ᐊᑲᐅᓐᖏᓕᐅᕈᑕᐅᔪᓂᑦ ᐊᐅᓚᑦᑎᓂᕐᒥᑦ ᑕᐃᑲᓂ (Stitt Feld Handy Group) ᐊᒻᒪᓗ ᓯᓚᑦᑐᖅᓴᕐᕕᔾᔪᐊᒥ ᒪᓕᒐᓕᕆᓂᕐᒧᑦ, ᐅᐃᓐᔪᒥ. ᐃᓚᒋᔭᐅᓯᒪᓪᓗᓂᓗ ᐊᓯᖏᓐᓄ ᑮᓇᐅᔭᓕᐅᖅᑎᐅᓇᓱᐊᓐᖏᑦᑐᓄᑦ ᑲᑐᔾᔨᖃᑎᒌᓐᓄᑦ ᐃᖃᓗᓐᓂ, ᑐᑭᓯᒋᐊᕐᕕᒃ ᓴᓴᐃᔭᑎᒃᑯᓐᓄᑦ. ᒫᓐᓇ ᐃᓚᒋᔭᐅᔪᖅ ᓄᓇᕗᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓄᑦ.

ᓯᑏᕙᓐ ᒪᓐᓱ
ᐃᓚᒋᔭᖅ

 

ᓯᑏᕙᓐ ᒫᓐᓯᐅ ᐊᖏᔪᖅᑳᕆᔭᐅᔪᖅ ᓯᓚᑦᑐᖅᓴᕐᕕᔾᔪᐊᒥ ᓴᔅᑳᑦᓱᐊᒥ ᓄᓇᕗᒻᒥ ᒪᓕᒐᓕᕆᔨᔅᓴᓄᑦ. ᐃᓚᒋᔭᐅᓚᐅᓐᖏᓐᓂᖓᓐᓂ ᒪᓕᒐᓕᕆᓂᕐᒧᑦ ᐃᓕᓐᓂᐊᕈᑎᓂᑦ ᐃᖅᑲᓇᐃᔭᓚᐅᖅᓯᒪᔪᖅ ᓄᓇᕗᑦ ᒐᕙᒪᒃᑯᖏᓐᓄ ᐃᖅᑲᖅᑐᐃᕕᓕᕆᔨᒃᑯᓐᓂ ᐊᔾᔨᒌᓐᖏᑦᑐᕈᓘᔭᕐᓂᑦ ᒪᓕᒐᓕᕆᔨᐅᓪᓗᓂ ᐊᒻᒪᓗ ᐱᖁᔭᓕᕆᔨᐅᓪᓗᓂ. ᓯᑏᕙᓐ ᐊᔾᔨᒌᓐᖏᑦᑐᕈᓘᔮᓗᓐᓂ ᒪᓕᒐᓕᕆᓂᕐᒦᔅᓯᒪᔪᖅ ᒐᕙᒪᒃᑯᓂᓪᓗ ᐊᒻᒪᓗ ᓄᓇᕗᒻᒧ ᐊᒻᒪᓗ ᑲᓇᑕᒥ. ᒐᕙᒪᒃᑯᓐᓄ ᐃᖅᑲᓇᐃᔭᓚᐅᖅᑎᓐᓇᒍ, ᓯᑏᕙᓐ ᒪᓕᒐᓕᕆᔨᐅᓚᐅᖅᓯᒪᔪᖅ ᔨᐊᓗᓇᐃᒥ.

ᓯᑏᕙᓐ ᐊᖏᔪᖅᑳᖑᓯᒪᔪᖅ ᒪᓕᒐᓕᕆᓂᕐᒧᑦ ᓴᓴᐃᔭᑎᒃᑯᓐᓄ ᓄᓇᕗᒻᒥ ᐊᒻᒪᓗ ᓄᓇᕗᒻᒥ ᑎᒥᐅᔪᒥᑦ ᑲᓇᑕᒥ ᑲᑐᔾᔨᖃᑎᒌᓐᓄᑦ ᒪᓕᒐᓕᕆᔨᓄᑦ ᐊᒻᒪᓗ ᒫᓐᓇ ᓄᓇᕗᒻᒥ ᑭᒡᒐᖅᑐᐃᔨᐅᔪᖅ ᑲᓇᑕᒥ ᒪᓕᒐᓕᕆᔩᑦ ᑲᑐᔾᔨᖃᑎᒌᓐᓄᖏᑦ ᑲᓇᑕᒥ. ᑲᑎᒪᔨᐅᖃᑕᐅᒪᓕᖅᑐᖅ ᓄᓇᕗᒻᒥ ᒪᓕᒐᓕᕆᓂᕐᒧᑦ ᐱᔨᑦᑎᕋᖅᑏᑦ ᑲᑎᒪᔨᖏᓐᓄᑦ ᐊᒻᒪᓗ ᓄᓇᕗᒻᒥ ᐃᖅᑲᖅᑐᐃᕕᓕᕆᓂᕐᒧᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᑦ. ᓯᑏᕙ ᐱᔨᑦᑎᖅᓯᒪᒻᒥᔪᖅ ᐃᖃᓗᐃᑦ ᓯᑎᒃᑯᑦ ᑲᑎᒪᔨᖏᓐᓄᑦ ᐊᒻᒪᓗ ᐃᔅᓯᕙᐅᑕᐅᓯᒪᓪᓗᓂ ᐃᖃᓗᐃᑦ ᓴᓇᔪᓕᕆᔨᒃᑯᖏᓐᓄ ᐊᒻᒪᓗ ᑮᓇᐅᔭᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ.

ᓯᑏᕙᓐ ᐃᖃᓗᒻᒥᐅᑕᖅ ᓄᓕᐊᖓᓪᓗ ᑐᕇᓴ ᐸᓂᖏᓪᓗ ᒪᕐᕉᒃ.

 

ᔮᔅᒥᓐ ᐃᓕᓴᐱ ᕋᑦᐳᓐ
ᐃᓚᒋᔭᖅ

 

ᔮᔅᒥᓐ ᐃᓕᓴᐱ ᕋᑦᐳᑦ ᐊᓈᓇᐅᔪᖅ ᒪᕐᕈᓐᓂᒃ ᕿᑐᕐᖓᓕᒃ ᐃᓕᓐᓂᐊᖅᑐᓂ ᓄᓇᕗᒻᒥ ᒪᓕᒐᔅᓴᐅᓂᕐᒧᑦ ᑕᐃᒃᑯᓂᖓ ᓯᓚᑦᑐᖅᓴᕐᕕᔾᔪᐊᖓᓐᓄᑦ ᓴᔅᑳᑦᓱᐊᒧᑦ. ᐃᓕᓐᓂᐊᕆᐊᒃᑲᓐᓂᓚᐅᓐᖏᓐᓂᖓᓐᓂ, ᔮᔅᒥ ᐊᕐᕌᒍᓄᑦ ᖁᓕᓄᑦ ᐃᖅᑲᓇᐃᔭᓚᐅᖅᓯᒪᔪᖅ ᐃᓄᓕᕆᓂᕐᒧᑦ ᐱᖁᔭᕐᓂᑦ ᐊᒻᒪᓗ ᐃᓕᓐᓂᐊᕈᑎᓂᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᓂᑦ ᐊᒻᒪᓗ ᓄᓇᖃᖅᑳᖅᑐᒥᓂᕐᓄᑦ ᑲᑐᔾᔨᖃᑎᒌᓐᓄᑦ. ᔮᔅᒪᓐ ᐋᓐᓂᐊᖅᑐᓕᕆᓂᕐᒥᑦ ᑕᑯᔅᓴᐅᓂᖅᓴᐅᔪᖅ ᐊᕐᓇᓄᑦ ᐊᒻᒪᓗ ᐃᓅᓱᑦᑐᓄᑦ ᐊᒻᒪᓗ LGBTQ2S ᓄᓇᓕᓐᓄᑦ. ᔮᔅᒪᓐ ᐃᖅᑲᓇᐃᔭᓚᐅᖅᓯᒪᒻᒥᔪᖅ ᐊᐅᓚᑦᑎᔨᒧᑦ ᐃᑲᔪᖅᑎᐅᓪᓗᓂ ᐃᓄᓕᕆᓂᕐᒧᑦ ᐱᖅᑯᓯᓕᕆᔨᒃᑯᓄᓪᓗ ᓄᓇᕗᑦ ᑐᓐᖓᕕᒃᑯᓐᓄᑦ, ᓄᓇᖃᖅᑳᖅᑐᒥᓂᕐᓄᑦ ᑲᒪᔨᐅᓪᓗᓂ ᑕᑭᒧᐊᑦᑎᐅᓪᓗᓂ ᐃᓅᓱᑦᑐᓄᑦ (YouthCO), ᐊᖏᔪᖅᑳᑉ ᑐᖏᓕᕆᓪᓗᓂᐅᒃ ᐃᓵᒃᓯᒪᒋᑦ ᐃᓅᓯᕐᒧᑦ ᑲᑎᒪᔨᖏᓐᓄᑦ, ᓴᖅᑮᖃᑕᐅᓯᒪᓪᓗᓂᓗ ᑲᓇᑕᒥ ᓄᓇᖃᖅᑳᖅᑐᒥᓃᑦ ᐃᓅᓱᑦᑐᓄᑦ ᐊᕐᓇᓄᑦ ᑲᑎᒪᔨᓄᑦ. ᔮᔅᒪᓐ ᐃᓕᓐᓂᐊᖅᓯᒪᔪᖅ ᐱᔪᒪᓯᒪᔭᒥᓂᑦ ᓈᓚᑦᑎᑦᑎᓂᕐᒧᑦ ᐊᑲᐅᓐᖏᓕᐅᕈᑎᖃᖅᑐᓂᑦ ᐊᒻᒪᓗ ᖃᓄᖅᑑᕋᓱᓐᓂᕐᒧᑦ ᐋᖅᑭᔅᓯᓇᓱᐊᕐᓂᕐᒥᑦ ᐊᑲᐅᓐᖏᓕᐅᕈᑕᐅᔪᓂᑦ.