ᐃᓘᓐᓇᒍᖓᔪᑦ ᑐᓴᐅᒪᔭᐅᔭᕆᐊᓖᑦ
ᓱᓇᐅᕙᑦ ᓄᓇᕗᒻᒥᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᐱᖁᔭᖅ?
ᓄᓇᕗᒻᒥᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᐱᖁᔭᖅ ᒪᓕᒐᖕᖑᖅᑎᑕᐅᓚᐅᖅᓯᒪᕗᖅ ᐱᖁᔭᓕᐅᕐᕕᒡᔪᐊᕐᒥᑦ ᓅᕖᒻᐱᕆ 5, 2003ᖑᑎᓪᓗᒍ ᓄᓇᕗᒻᒥᐅᓕᒫᓂᒃ ᓱᓕᔪᒥᒃ ᓇᓪᓕᖁᐊᕆᒃᑐᒥᒃ ᐃᓅᓯᖃᑦᑎᐊᕈᓐᓇᖁᔨᓪᓗᑎᒃ. ᑲᒪᒋᔭᐅᔪᒃᓴᐅᖕᒪᑦ ᒐᕙᒪᒃᑯᓐᓄᑦ, ᑭᒃᑯᓕᒫᓄᑦ ᐱᒍᔾᔨᔨ, ᑲᑎᒪᔨᓄᑦ ᐊᒻᒪᓗ ᑲᒥᓴᓇᓄᑦ ᐊᒻᒪᓗ ᓄᓇᕗᒻᒥᐅᓕᒫᑦ ᓱᓕᔪᒥᒃ ᑲᒪᒋᔭᐅᖁᓪᓗᒋᑦ. ᓇᓪᓕᖁᐊᕆᒃᑎᑦᑎᖏᓐᓂᖅ ᐱᖁᔭᒥᒃ ᓱᕋᐃᖕᕐᒪᑦ ᐊᒻᒪᓗ ᒪᓕᖏᐊᓕᒃ ᐱᖁᖀᔭᒥᕐ.
ᓇᓪᓕᖁᐊᕆᒃᑎᑦᓯᓂᖅ ᐃᓄᖕᓂᒃ ᐅᔾᔨᒦᒋᑦᑎᐊᒥᒃ ᐱᐅᓯᖃᕐᕕᖃᕐᓂᐅᖏᑦᑐᖅ. ᓇᓪᓕᖁᐊᕆᒃᑎᑦᓯᓂᑦ ᑭᒃᑯᑐᐃᓐᓇᕐᓂᒃ ᑐᑭᓕᒃ ᐃᒃᐱᒍᓱᑦᑎᐊᕐᓂᖅ ᑭᓇᑐᐃᓐᓇᐅᑉ ᑭᓐᖑᒪᒋᔭᖀᖏᓐᓂᒃ ᐱᐅᓯᖏᑦ ᒪᓕᓗᒋᑦ ᒪᓕᒃᑕᐅᔭᕆᐊᓖᑦ ᐃᓗᐊᓂ ᐊᕕᒃᑐᖅᓯᒪᓂᖅ 7 (1)ᒥ ᐱᕕᒃᓴᖃᖃᑕᐅᔪᓐᓇᖁᓪᓗᒋᑦ ᐊᔾᔨᖓᓂᒃ ᑭᒃᑯᑐᐃᓐᓇᖅᑎᑐᑦ. ᑭᓯᐊᓂ ᐱᐅᓯᖃᕐᕕᒋᖀᔭᕆᐊᖃᓐᖏᑕᕗᑦ ᐊᔾᔨᒋᒃᑎᑕᐃᓐᓈᓗᒋᓗᒋᑦ ᑭᒃᑯᑐᐃᓐᓇᐃᑦ.
ᐱᖁᖀᔭᐅᑉ ᐊᑐᓕᖅᑎᑕᐅᓂᖓ ᒪᓕᒋᐊᓕᒃ ᐃᓄᐃᑦ ᖃᐅᔨᒪᖀᔭᑐᖃᖏᑦᑕ ᐊᕿᒃᓯᒪᔭᖏᓐᓂᒃ. ᐱᖁᔭᖅ ᐃᓚᓯᒪᖏᑦᑐᖅ ᐱᖅᓯᓯᒪᖏᖢᓂᓗ ᓴᐳᒻᒥᖀᖀᔭᐅᒍᑎᖏᓐᓂᒃ ᐊᑐᐃᓐᓇᐅᑎᑕᐅᔪᓂᒃ ᓄᓇᕗᑕᕐᓂᕐᒧᑦ ᐊᖏᖃᑎÈᒌᒍᑎᖏᓐᓂᑦᑐᓂᒃ.
ᐱᖁᖀᔭᖅ ᐅᖃᖅᓯᒪᖕᒪᑦ, ᑭᓇᑐᐃᓐᓇᖅ, ᐱᒍᑦᔨᔨ, ᐱᓯᓂᓯᖃᖅᑐᖅ ᐅᒦᕝᕙᖄᓘᓐᓃᑦ ᒐᕙᒪᒃᑯᑦ, ᐱᖁᔭᒥᒃ ᓱᕋᐃᓂᕋᕐᑕᐅᕗᖅ ᐊᔾᔨᒋᖏᑎᑦᓯᒍᓂ ᑭᓇᑐᐃᓐᓇᒥᒃ ᓄᓇᕗᒻᒥ.
ᓱᓇᐅᕙ ᐊᔾᔨᒌᖕᖏᑎᑦᓯᓂᖅ?
ᐱᖁᔭᒥᒃ ᓱᕋᐃᓂᐅᕗᖅ ᐊᔾᔨᒌᖏᑎᑦᓯᓗᓂ ᐱᔪᓐᓇᐅᑎᒋᔭᐅᔪᓂᒃ ᐱᑎᑦᓯᖏᓐᓂᖅ ᐅᕝᕙᓘᓐᓃᑦ ᐅᖁᒪᐃᒃᓴᖅᑎᑦᓯᓂᖅ, ᐱᔭᐅᔭᕆᐊᖃᖅᑐᓂᒃ ᐱᑎᑦᓯᖏᓐᓂᖅ ᐅᕝᕙᓗᓐᓂᑦ ᐊᔪᖅᑎᑦᑎᓂᖅ ᑭᓇᑐᐃᓐᓇᒥᒃ ᐅᕝᕙᓗᓐᓂᑦ ᐊᔾᔨᒌᖏᑦᑐᓂᒃ ᐃᓅᖃᑎᒋᖕᓂᒃ ᑲᑎᓐᖓᔪᓂᒃ ᐱᐅᓯᖃᖅᐸᑕ ᑕᐃᔭᐅᔪᓂᒃ ᐊᕕᒃᑐᖅᓯᒪᓂᖅ 7(1)ᒥᑦ ᐱᖁᔭᒥᑦ.
ᐱᖁᔭᖅ ᐊᔾᔨᒌᖏᑎᑦᓯᓂᖃᕆᐊᖃᖏᑎᖅᓯᒪᕗᖅ ᑭᒃᑯᑐᐃᓐᓇᐃᑦ ᐃᒪᐃᑉᐸᑕ:
- ᐃᖃᓇᐃᔭᒃᓴᖅᓯᐅᖅᐸᑦ ᐅᕝᕙᓘᓐᓂᑦ ᐃᖃᓇᐃᔭᕐᕕᖓᓂᑉᐸᑕ;
- ᐃᓚᒋᔭᐅᔪᑎᑕᕋᓱᒃᐸᑦ ᐃᓚᒋᔭᐅᔾᔪᑎᖃᕐᐸᓪᓗᓐᓂᑦ ᑎᒥᐅᔪᒧᑦ ᐃᖃᓇᐃᔭᕐᕕᖕᒧᑦ
- ᐱᕕᖃᕈᓐᓇᕐᓂᖅ ᓱᓇᒃᑯᑖᓂᒃ, ᐱᔨᑦᑎᓯᕋᕈᑎᓂᒃ, ᐃᓪᓗᐃᑦ ᓇᔪᒐᕐᓂᒃ, ᐊᑲᕐᕆᒍᑎᓂᒃ, ᐊᒻᒪᓗ ᑲᓐᑐᓛᒃᒍᑎᓂᒃ ᑕᒃᑯᐊ ᐊᑐᐃᓐᓇᐅᑎᑕᐅᑎᓪᓗᒋᑦ ᑭᒃᑯᓕᒫᓄᑦ;
- ᐊᑐᖅᑐᐊᕐᓂᖅ ᐊᒻᒪᓗ ᐊᑐᖅᑐᐊᕋᓱᒡᓗᓂ ᐃᒡᓗᒥᒃ ᐅᕙᓗᓐᓂᑦ ᓂᐅᕕᕐᕕᐅᒐᔭᕐᑐᒥᒃ; ᐊᒻᒪᓗ
- ᐅᖃᓕᒫᒐᒃᓴᓕᐅᖅᐸᑦ ᐅᕝᕙᓗᓐᓃᑦ ᑕᑯᒃᓴᐅᑎᑦᓯᒍᓂ ᖃᐅᔨᒪᔭᐅᔭᕆᐊᓕᖕᒥᒃ ᐅᕝᕙᓗᓐᓂᑦ ᑎᑎᕋᖅᓯᒪᔪᒥᒃ ᓴᕿᑎᑦᓯᒃᐸᑦ.
ᐅᑯᐊᒃ ᑕᒡᕙ ᒪᕐᕉᒃ ᐆᒃᑐᑏᒃ:
- ᒪᒃᑯᒃᑐᖅ ᐊᕐᓇᖅ ᕿᑐᙵᒃᓴᖃᕋᒥ ᐃᖃᓇᐃᔭᖅᑎᑕᕆᔭᐅᖏᑦᑐᖅ (ᐊᔾᔨᒌᖏᑎᑦᓯᔪᖅ ᐊᕐᓇᐅᓂᐅᑉ ᐊᖑᑕᐅᓂᐅᓪᓗ ᖃᓄᐃᑦᑑᓂᖓᓂᒃ) ᐊᓈᓇᐅᔪᖅ ᐅᐃᖃᖏᑦᑐᖅ ᒪᕐᕈᖕᓂᒃ ᕿᑐᕐᖓᓕᒃ ᑐᔪᕐᒥᕕᖕᒥᑦ ᐃᒡᓗᕈᓯᖃᖁᔭᐅᖏᑦᑐᖅ. (ᐊᔾᔨᒌᖏᑎᑦᓯᔪᖅ ᐃᓚᒌᑦ ᖃᓄᐃᓕᖓᓂᖓᓐᓂᒃ)
- ᐱᖁᔭᒥᒃ ᓱᕋᐃᔭᕆᐊᖃᖏᑦᑐᑦ ᐱᔾᔪᑏᑦ ᐊᒥᓱᖕᒪᑕ ᐊᒻᒪᓗ ᐃᓅᑉ ᐱᐅᓯᕆᔭᕆᐊᖃᖅᑕᖏᑦ.
ᐅᑯᐊ 17ᖑᔪᑦ ᐱᔾᔪᑎᐅᔪᑦ ᐊᕕᒃᑐᖅᑕᐅᓯᒪᕗᑦ ᐃᒪᐃᓕᖓᓪᓗᑎᒃ:
- ᐃᓕᖅᑯᓯᑐᖃᕐᒥᒍᑦ; ᐃᓅᓂᖓ ᖃᓄᐃᑦᑑᓂᖓ, ᐅᕕᓂᖓᑕ ᑲᓄᐃᑦᑐᓂᖓ, ᓯᕗᓪᓕᕕᓂᖃᕐᓂᖓᓄᑦ, ᓇᑭᖕᒐᕐᓂᑯᓂᖓᓄᑦ, ᓇᒥ ᐃᓅᓂᑰᓂᖓᓄᑦ ᐊᒻᒪᓗ ᓇᓂ ᓄᓇᕐᔪᐊᕐᒥᖓᕐᓂᑰᓂᖓᓄᑦ.
- ᐅᒃᐱᕐᓂᖃᕐᓂᕐᒧᑦ ᐊᒻᒪᓗ ᒪᓕᒃᑎᐅᓂᕐᒧᑦ ᐅᒃᐱᕆᔭᒥᓂᒃ
- ᐅᑭᐅᖃᕐᓂᖓᓄᑦ
- ᑎᒥᒃᑯᑦ ᐃᓱᒪᒃᑯᓪᓘᓐᓂᑦ ᐊᔪᕈᑎᖃᕐᓂᖓᓄᑦ
- ᐊᕐᓇᐅᓂᖓᓄᑦ ᐊᖑᑎᐅᓂᖓᓄᑦ ᐊᒻᒪᓗ ᐊᖑᑎᐅᖃᑎᒥᓂᒃ ᐊᕐᓇᐅᖃᑎᒥᓂᒡᓗᓐᓂᑦ ᐱᖃᑎᖃᓱᖑᓂᖓᓄᑦ
- ᑲᑎᑎᑕᐅᓯᒪᓂᖓᓂᓪᓗᓐᓃᑦ ᑲᑎᑎᑕᐅᓯᒪᖏᓐᓂᖓᓂᓪᓗᓐᓃᑦ ᐊᒻᒪᓗ ᐃᓚᖃᕐᓂᖓᓂᒃ
- ᕿᑐᕐᖓᒃᓴᖃᕐᓂᖓᓄᑦ, ᐱᖃᓯᐅᑎᓪᓗᒋᑦ ᐊᖑᑎ ᐊᕐᓇᕐᓘᓐᓂᑦ ᐱᐊᕋᓚᕐᒥᒃ ᑎᒍᐊᖅᐸᑦ
- ᐱᖁᖀᔭᑎᒍᑦ ᓈᒻᒪᒋᔭᓯᒪᖀᓗᓂ ᓇᑭᑦ ;
- ᐱᕋᔭᖕᓂᕕᓂᕐᒧᑦ ᐃᓱᒪᒋᔪᓐᓇᐃᕐᕕᐅᓯᒪᓂᕐᒧᑦ
ᐱᐅᓯᕆᔭᐅᔭᕆᐊᖃᖅᑐᓂᒃ ᓯᖁᒥᑦᓯᓂᖅ ᒪᓕᒐᕐᒥᒃ ᓯᖁᒥᑦᓯᕗᖅ ᐸᕝᕕᓴᕆᓂᖅ ᑭᓇᑐᐃᓐᓇᒥᒃ. ᐸᕝᕕᓵᕆᓂᖅ "ᑐᓐᖓᓱᒃᑎᑕᐅᖏᑦᑑᓪᓗᓂ" ᐱᐅᓯᐅᕗᖅ.
ᐱᖁᔭᑎᒍᑦ ᓄᐃᑎᑕᐅᓯᒪᕗᖅ ᑭᒡᓕᓯᓂᐊᖅᑏᑦ ᐊᐅᓚᑦᓯᖁᔭᐅᓪᓗᑎᒃ ᐊᒻᒪᓗ ᑐᑭᑕᖅᑎᐅᓂᐊᕐᓗᑎᒃ ᒪᓕᒐᐅᑉ ᐊᑖᒍᑦ. ᑎᓴᒪᓄᑦ ᐊᕐᕌᒍᓄᑦ ᑎᓕᔭᐅᓯᒪᔪᐃᑦ ᑖᒃᑯᐊ ᑕᓪᓕᒪᐃᑦ. ᐱᒋᐊᕐᓗᓂ ᒫᔨ 31, 2011, ᐃᓚᒋᔭᐅᔪᑦ ᐅᑯᐊᖑᕗᑦ:
- ᐃᐅᕈᓪ ᕙᓚᑦᓱ, ᐃᒃᓯᕙᐅᑕᕆᔭᐅᔪᖅ
- ᓗᐃᓯ )ᐊᐅᓕ, ᑲᑎᒪᔨᐅᖃᑕᐅᔪᖅ ᕿᕿᖅᑕᓗᖕᒥᖓᖅᑐᖅ
- ᐹᓂ ᐃᐅᓪᒪᓐ, ᐃᓚᒋᔭᐅᔪᖅ ᕿᑎᕐᒥᐅᓂ
- ᒫᑎᓐ ᕿᓚᒃ, ᐃᓚᒋᔭᐅᔪᖅ ᑭᕙᓪᓕᕐᒥ
- ᐋᓚᓐ ᐅᐃᒃᔅ, ᐊᓯᐊᓂᒃ ᑲᒪᒋᔭᒃᓴᓕᒃ ᑲᑎᒪᔨᐅᖃᑕᐅᔪᖅ
ᑭᒡᓕᓯᓂᐊᖅᑏᑦ ᓱᓇᐅᕙᑦ?
"ᑭᒡᓕᓯᓂᐊᖅᑏᑦ" ᐃᔾᔪᐊᖅᑕᐅᓯᒪᔪᖅ ᓛᑎᓐ ᓄᓇᖓᓂ ᐅᖃᐅᓯᑐᖃᖓᓃᖓᖅᑐᖅ, ᐃᖅᑲᖅᑐᐃᔨᕋᓛᖅ, ᑐᑭᓕᒃ "ᐃᖃᖅᑐᐃᔨ ᐳᒃᑭᓐᓂᖅᓴᒥᒃ" ᐅᕝᕙᓘᓐᓃᑦ "ᓂᐊᖁᕆᔭᐅᔪᖅ ᑭᖑᕚᕆᓄᑦ". ᑲᓇᑕᒥᑦ ᐃᖃᖅᑐᐃᔨᕋᓛᑦ ᓴᕿᑎᑕᐅᓯᒪᕗᑦ ᑭᒃᑯᑐᐃᓐᓇᐃᑦ ᐅᕝᕙᓘᓐᓃᑦ ᐊᕕᒃᑐᖅᓯᒪᔪᑦ ᑭᒃᑯᑐᐃᓐᓇᐃᑦ ᓴᕿᑎᑕᐅᓯᒪᓪᓗᑎᒃ ᐱᖁᔭᓕᐅᕐᕕᖕᒥᑦ ᐊᐅᓚᑦᓯᖁᔭᐅᓪᓗᑎᒃ ᐱᖁᔭᒥᒃ ᒐᕙᒪᐅᑉ ᐃᓗᐊᓂᑦ ᑎᒥᐅᓂᐊᕐᓗᑎᒃ.
ᑲᓇᑕᒥ ᑭᒡᓕᓯᓂᐊᖅᑏᑦ ᑲᑎᒪᔨᖑᖅᑎᑕᐅᓯᒪᔪᑦ ᐅᕝᕙᓘᓐᓂᑦ ᑲᑎᒪᔨᕋᓛᖑᖅᑎᑕᐅᓯᒪᔪᑦ ᐱᖁᔭᓕᐅᖅᑎᓄᑦ, ᓈᓚᒃᑎᐅᓂᐊᕐᓗᑎᒃ ᐊᒻᒪᓗ ᐃᓱᓕᑎᑦᑎᓗᑎᒃ (ᐃᖃᖅᑐᐃᔨᐅᓗᑎᒃ) ᐊᑲᐅᖏᓕᐅᕈᑕᐅᔪᓄᑦ. ᓄᓇᕗᒻᒥᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᖏᓐᓄᑦ ᒪᓕᒐᕐᒥᒃ ᑭᒡᓕᓯᓂᐊᖅᑏᑦ ᑕᓪᓕᒪᐅᕗᑦ ᑎᓕᖀᔭᐅᓯᒪᓪᓗᑎᒃ ᓄᓇᕗᑦ ᒐᕙᒃᑯᓐᓄᑦ, ᓈᓚᒃᑎᐅᓂᐊᕐᓗᑎᒃ ᐊᒻᒪᓗ ᐃᓱᓕᑎᑦᑎᔨᐅᓂᐊᕐᓗᑎᒃ ᐊᔾᔨᒌᓐᖏᑎᑦᑎᔾᔪᑕᐅᔪᒧᑦ ᓄᓇᕗᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᑦᓄᑦ ᒪᓕᒐᒃᑯᑦ.
ᑭᒡᓕᓯᓂᐊᖅᑏᑦ ᓴᕿᑎᑕᐅᓯᒪᕗᑦ ᒪᓕᒐᓕᐅᕐᕕᒡᔪᐊᒃᑯᑦ ᐊᒻᒪᓗ ᐱᔪᓐᓇᖅᑎᑕᐅᓯᒪᓪᓗᑎᒃ ᐊᒻᒪ "ᐱᔪᓐᓇᕐᓂᓖᑦ ᖃᓄᐃᓕᒋᐊᕈᓐᓇᖅᑎᑕᐅᓪᓗᑎᒃ" ᒪᓕᒐᓕᐅᕐᕕᒡᔪᐊᒃᑯᑦ. ᓄᓇᕗᒻᒥᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᑭᒡᓕᓯᓂᐊᖅᑏᑦ ᐱᔪᓐᓇᖅᑎᑕᐅᓂᖓᑦ ᐊᒻᒪᓗ ᖃᓄᐃᓕᒋᐊᕈᓐᓇᖅᑎᑕᐅᓂᖓᑦ ᐊᕿᒃᑕᐅᓯᒪᕗᖅ ᓄᓇᕗᒻᒥᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᐱᖁᔭᕐᒥᑦ.
ᑭᒡᓕᓯᓂᐊᖅᑏᑦ ᐊᔾᔨᖃᖏᑦᑐᑦ "ᑲᑎᒪᔨᓂᒃ" ᐊᒻᒪᓗ "ᐱᒍᔾᔨᔨᓂᒃ" ᓴᕿᑎᑕᐅᓯᒪᓪᓗᑎᒃ ᒪᓕᒐᓕᐅᕐᕕᖕᒥ ᐱᔾᔪᑎᒋᓪᓗᒋᑦ "ᐃᖅᑲᑐᐃᔨᑎᒍᑦ ᐋᖅᑭᒃᑕᐅᓯᒪᓂᕐᒧᑦ" ᐱᓕᕆᐊᒃᓴᖃᕐᑎᑕᐅᓂᕐᒧᑦ. ᐃᖃᖅᑐᐃᔨᑎᒍᑦ ᐊᕿᒃᓯᓂᖅ ᑐᑭᓕᒃ "ᐃᖃᖅᑐᐃᓂᖅ" ᐅᕝᕙᓗᓐᓂᑦ "ᑐᑭᑖᕐᓂᖅ". ᐃᖃᖅᑐᐃᕕᑎᒍᑦ ᐊᕿᒃᑕᐅᓯᒪᓂᖅ ᐱᓕᕆᐊᒃᓴᖃᖅᑎᑕᐅᓂᖅ ᑐᑭᖃᕐᒥᔪᖅ ᑐᑭᓕᐊᕆᔭᐅᔪᐃᑦ ᒪᓕᒋᐊᖃᕐᓂᖏᓐᓂᒃ ᐃᒪᐃᓕᖓᔪᓂ ᑭᓯᐊᓂ, ᐅᒃᑑᑎᒋᓗᒍ ᒪᓕᒋᐊᖃᕐᓂᖅ ᐱᖁᔭᑎᒍᑦ ᒪᓕᒐᒃᓴᓂᒃ ᐊᒻᒪᓗ ᑐᓐᖓᕕᐅᓗᐊᖑᐊᖅᑐᓂᒃ, ᐱᖃᓯᐅᑎᓪᓗᒋᑦ ᐃᖃᑐᐃᕕᑎᒍᑦ ᐊᔾᔨᒋᒃᑎᑦᓯᓂᐅᑉ ᑐᓐᖓᕕᖏᑦ.
ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᑦ ᐃᓚᒋᖀᖀᖀᖀᖀᔭᖀᐅᖃᑕᐅᖕᒪᑕ "ᑲᓇᑕᒥ ᒪᓕᒐᕐᔪᐊᓄᑦ", ᒪᓕᒐᓕᐊᖑᓯᒪᔪᖅ ᓴᐳᒻᒥᔭᐅᓂᖃᖅᖢᓂ ᐊᒻᒪᓗ ᐊᑐᓕᖅᑎᑦᑎᓯᒪᓪᓗᓂ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᓄᓇᐅᑉ ᐊᕕᒃᑐᕐᓯᒪᓂᖏᓐᓂᑦ ᑕᐃᔭᓂᖃᕐᒥᔪᖅ quasi-constitutional law.
ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᖅ ᒪᓕᒐᖅ ᐅᓇᐅᕗᖅ quasi-constitutional ᐊᒻᒪᓗ ᐃᒪᐃᑦᑑᓪᓗᓂ
- ᐱᒻᒪᕆᐊᓗᑎᑕᐅᔪᖅ ᐱᓪᓚᕆᖕᒥᒃ ᒪᓕᒐᖅ,
- ᐱᖁᔭᖅ ᐊᖅᑭᒋᐊᕐᕕᖃᖅᑐᖅ (ᐱᖁᔭᖅ ᑕᒻᒪᖅᑐᓂᒃ ᑕᒻᒪᕈᓐᓂᖅᑎᑦᑎᔪᓐᓇᖅᑐᖅ ᐊᓄᓪᓚᒃᓯᖅᑎᑦᑎᖏᖓᕐᓗᓂ) ᐊᒻᒪᓗ
- ᐱᖁᖀᖀᔭᖅ ᐃᑲᔪᕐᓂᖃᓂᐊᑐᐊᖅᐸᑦ ᐱᔾᔪᑎᒋᖀᕆᐊᓕᖕᒥᓂᒃ, ᐅᒃᑑᑎᒋᓗᒍ ᐱᔾᔪᑎᒋᖀᔭᑦ(ᔭᐅᔪᑦ) ᑎᑎᕋᖅᑕᐅᓯᒪᔪᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᑦᑕ ᐱᖁᖀᔭᕐᒥᒃ.
ᓄᓇᕗᒻᒥᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᑭᒡᓕᓯᓂᐊᖅᑏᑦ ᑭᒃᑯᑐᐃᓐᓇᕐᓄᑦ ᑐᕋᐃᓐᓇᖅᑐᒥᒃ ᐅᐸᒃᑕᐅᑲᐅᑎᒋᔪᓐᓇᖅᑎᓯᒪᔪᖅ ᐊᔾᔨᒋᔭᐅᖏᑦᑐᖅ ᐊᓯᖏᓐᓄᑦ ᓄᓇᓂ ᐊᕕᒃᑐᖅᓯᒪᔪᓄᑦ ᑖᒃᑯᐊᓕ ᑲᑎᒪᔨᖃᕐᒪᑕ. ᑭᒡᓕᓯᓂᐊᖅᑎᐅᖃᑕᐅᔪᑦ ᑐᕋᐃᓐᓇᖅᑐᒥᒃ ᐅᐸᒃᑕᐅᑲᐅᑎᒋᔪᓐᓇᖅᑐᑐᐊᖑᖕᒥᔪᑦ ᐱᑕᖃᕐᒥᔪᑦ ᐳᕆᑎᔅ ᑲᓚᒻᐱᐊᒥ ᐊᓐᑎᐅᕆᔪᒥᓪᓗ.
ᐅᐸᒃᑕᐅᑲᐅᑎᒋᔪᓐᓇᖅᑐᑦ ᑭᓯᐊᓂ ᖃᓄᐃᓕᐅᖅᑐᕕᓂᕐᓂᒃ ᖃᐅᔨᓴᕐᓗᑎᒃ ᑕᐅᑐᒃᑕᐅᔪᕕᓂᕐᓂᒃ ᕿᓂᖅᑎᓂᒃ ᐃᖃᓇᐃᔭᖅᑎᖃᖏᑦᑐᑦ. ᑭᒡᓕᓯᓂᐊᖅᑏᑦ ᑐᑭᑕᕆᓕᕋᔭᖅᑐᑦ ᒪᓕᒡᓗᑎᒃ ᖃᐅᔨᒃᑲᐃᔾᔪᑎᓕᐊᕕᓂᐅᑉ ᑎᑎᕋᖅᑕᐅᓯᒪᓂᖏᓐᓂᒃ. "ᖃᐅᔨᒃᑲᐃᔾᔪᑏᑦ" ᑎᑎᖃᖁᑎᖏᑦ ᐃᓗᓕᖃᕋᔭᖅᑐᑦ ᖃᐅᔨᒪᔭᐅᔭᕆᐊᓕᖕᓂᒃ ᑎᑎᕋᖅᑕᐅᔪᕕᓂᕐᓂᒃ ᖃᐅᔨᒃᑲᐃᔾᔪᑎᓕᐅᖅᑐᒧᑦ ᐊᒻᒪᓗ ᑭᐅᔭᐅᔪᕕᓂᕐᓂᒃ ᑭᐅᔨᐅᔪᒧᑦ. ᓄᓇᕗᒻᒥ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᐃᖃᓇᐃᔭᖅᑏᖏᑦ (ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᑲᒪᔨᐅᔪᑦ) ᑭᒡᓕᓯᓂᐊᖅᑎᐅᖃᑕᐅᖏᑦᑐᑦ. ᐃᖃᓇᐃᔭᖅᑏᓪᓕ ᑭᓯᐊᓂ ᑭᒃᑯᑐᐃᓐᓇᕐᓂᒃ ᐃᑲᔪᕈᓐᓇᖅᑐᑦ ᑐᑭᓯᐅᒪᑎᑦᓯᓂᕐᒥᒃ ᒪᓕᒃᑕᐅᔭᕆᐊᓕᖕᓂᒃ ᐊᒻᒪᓗ ᐃᑲᔪᕈᓐᓇᖅᖢᑎᒃᓗ ᐱᓕᕆᐊᖑᖃᑕᐅᔪᓂᒃ (ᖃᐅᔨᒃᑲᐅᑎᓕᐅᖅᓯᒪᔪᖅ ᑭᐅᔭᕆᐊᓕᒃᓗ) ᑕᑕᑎᕆᓂᕐᒥᒃ ᖃᐅᔨᒃᑲᐃᔾᔪᑎᒥᒃ.
ᑭᒡᓕᓯᓂᐊᖅᑏᑦ ᐃᓱᒪᓕᐅᕆᔪᓐᓇᖅᑐᑐᐊᖑᖕᒪᑕ ᐃᓗᓐᓇᖏᓐᓂᒃ ᓴᕿᑕᐅᓯᒪᔪᓂᒃ ᒪᓕᒡᓗᑎᒃ ᐱᖁᔭᕐᒥᒃ. ᑭᒡᓕᓯᓂᐊᖅᑏᑦ ᐃᒻᒥᓂᕐᕆᔪᓐᓇᕆᐊᓖᑦ ᑎᓕᔭᐅᓯᒪᓂᕐᒥᓄᑦ (ᓄᓇᕗᑦ ᒐᕙᒪᖓᓄᑦ) ᐊᒻᒪᓗ ᐃᓚᐃᓐᓇᖓᒍᑦ (ᑭᓇᑐᐃᓐᓇᒥᒃ ᐱᓂᖅᓴᐅᑎᑦᑎᖏᓪᓗᓂ) ᑲᒪᒋᔭᐅᓂᓕᒫᖏᓂᒃ ᕿᒡᓕᓯᓂᐊᖅᑎᓄᑦ.
Any links to other websites may not be available in Inuktitut.