Nunavumi Inuit Inminiigutait Katimayiit: Katimayit Katimayiit ovalo Havaktiit

Katimayiit

Errol Fletcher Ikhivautak	Errol Fletcher Ilihakti Nunavumi Iliniagiakpaalivik nani ilihaktihimayuk 20nik ukiunik. Pikaktuk Iniktigutainik Inuligiyit ovalo Inikniit Ilihakti. Ilaukatauyuk nunaini nani hivuliuyuk ilaukatauyuk ovalo ikayuktuk Qikiqtaaluk Ikayuktiit Foniit, ilaukatauyuk Rotary, Apikhukti Nunavumi, Nunavumi ilaukatauyuk Kanatami Itiktauligiyit Ikayuktiit Katimayigalaat ovalo hukulaakti.
Bonnie Almon Kitikmeot Kivgaqtia	Aipaangani pingahunik ukiunik, Ms. Almon havakhimayuk Atanguyak Nunait Naamaktiligiyit Hamletkuni Kugluktuk. Apikhiktiuhimayuk ovalo Tukuhimayunik ukpatainik Ihivgiukti Nunavumi. Ms. Almon havainaktuk nunaini havakviit, ilaupluni Akigaktuiyit Katimayigalaat ovlao Katimayiupluni Kugluktuk Ikluligiyit. Bonnie inikpiakhimayuk Ilihagutainik mikhaanut Inuligiyit. Kaihimayuk amigaitunik ovalo aalatkiinik havagutainik kinguani Inuligiyit Akigaktuitjutainik ovalo Inuit Inminiigutainik.
Louise Haulli Qikiqtaaluk Katimayi	Louise Haulli nunakaktuk Igloolikmi, Nunait Naamaktiligiyit Munagiyiit Hamletkut Igloolikmi. Ikayukhimayuk munagivlugit pilihimayuit nunaini naamaktiligiyit pilihimayuit mikhaanut Inuit Kauyimayatukangit Inutukait pilihimayuit ihumaaluktut angayukhaanik ovalo ilakatigiit tuhaktituitjutait ayoikhaitjutait ovalo takuyumayuk Inutukait hakugikhilutik mikhaanut Inuit Kauyimayatukangit. Louise ikayuktuk pulaaktakhugit Inutukait ikluini ikayukhugit halumaktigutainik.
Martin Kreelak Kivalliq Kivgaqtia	Mr. Kreelak inuuhimayuk igloomi Ukusialumi hanianik 90nik mailinik Igluligaarjuq. Ilakatingit nuutitihimayut Igluligaarjumut. Ilihakhimayuk Joseph Bernier Kanatmi Ilihakviit ovalo Churchill Vocational Ilihakvik (CVC) Kuuqjuami, Manitoba. Utikhimayuk Igaluligaarjumut, umayukhiulikhuni ilakatiminut, 1982mi nulianikhimayuk ovalo nuutitihimapluni Kamanituamut. Martin havakhimayuk Inuit Kungialiuligiyit Kuapurisitkuni 23nik ukiunik kungialiukhuni Inuit takuyakhainik. Ataatatianguyuk 22nik ingutakakhuni.
Alan Weeks Katimayiulaktuq	Alan Weeks inuuhimayuk ovalo ilihakhimapluni Nova Scotiami. Inikhimayuk ilihagutainik NSCCmi Iniktigutikakhuni Inuligiyit havagutainik. Nova Scotiami, Apikhuktiukhimayuk 11nik ukiunik, Ikayukhuni Itiktauhimayunik, Nutakanik Munagiyiit Ikayuktiupluni ovalo akigaktuiyi Havaktiit Akiligutikhait Katimayiit. Alan inuuhimayuk ukiuktaktumi pingahunik ukiunik ovalo ilaukatauyuk Nunaini. Ikhivautat Tukliuyuk Iqaluit Ilihaktituiyit Atanguyaini. Alan amigaitunik ukiunik havagaakhimayuk ilauyunik inuuviviniit ilaukatauyunut ilanganut.
Marion Love Atanguyak	Marion Love havalikhimayuk Kavamatkut Nunavumi (GNWT) 1982mi. Havakhimayuk 8nik ukiunik atanguyait munagiyiit. Marion ikayukhimayuk inikniit taiguagutikhainik, Ilangani 23 ayoikhaiyit uktugutikhait, nunait munagiyiit ovalo havaktiit katimayiit havakviit havagaagutainik.
Leo Angootealuk Inuit Inminiigutait Havakti	Leo Angootealuk havaliktuk Inuit Inminiigutait Havaktimut Marchmi 2006. Ilautinagit Katimayiinut, Leo havakhimayuk Sakku Ilihakvik Salliqmi, ilihaktut ikayuktiinik.
Rosie Tanuyak-Ell Inuit Inminiigutait Havakti	Rosie Tanuyak-Ell inuuhimayuk Igluligaarjuqmi. Rosie ovalo ilakatingit nuutitihimayut Salliqmut 1996mi. Auyami 1999mi, havaliktuk GNkut Kinauyat Ikayuktiit havaktiinut. Rosie havaliktuk Katimayiini Marchmi 2006mi. Takuhimayuk ilaukatautjutainik hamani alianaktuk, takuvakami alianaktunik hunavalunik aalatkiit inuuviviniit inminik ovalo havakviit.
Reema Khawja Akigaktuiyi	Reema Khawja ayongituk Inuit Inminiigutait, munagiyiit akigaktuiyit ovalo maligaliuktit akigaktuiyit. Havakhimayuk Inuit inminiigutainik Akigaktuiyit Ontariomi ovalo Ontariomi Inuit Inminiigutait Kamisitkunik avataanik 11nik ukiunik. Havakhimayuk akigaktuiyinik Maligaliuktit Akigaktuiyit Havakviinik Ontariomi Ministait Atanguyait Akigaktuiyit ovalo apikhuktiupluni akigaktuiyit akigaktuiyinik McCarthy Tétrault.
Sheriden Barnett Ikayukti	Sheriden Barnett hivuliuyuk Boreal Havakviit Akigaktuktut Ihuakhagutikhainik, hinaani Lake Superior tahiani haniani Thunder Bay, Ontario. Ilihakhimayuk akigaktuiyit ihumagiyainik, ikayugutainik ovalo ningaguilutik akhut. Ilauyut nunakyuami ilitagiyauhimayuk Nunakyuami Akigaktuiyut Ihivgiuktit Ilihakviit Universitimi Ulster, Northern Irelandmi ovalo Osgoode Hall Akigaktuiyit Ilihakviit nani iniktihimayuk Iniktigutainik Akigaktuiyit (ADR) 2004mi. 1988mit, Sheriden havakhimayuk Kanatami, Nunavumi ovalo Itkiliit kavamatkuinik nani akigaktuiyit ihuakhagutait, nunaligiyit ovalo Inuit inminiigutait. Havaliktuk Nunavumi Inuit Inminiigutait Katimayiit ikayuktimut, ayoikhaiyi ovalo ikayukti havalimata.