Huliniaktut tuniguma Tuhaktitakhainik?
Katimayiit Atanguyak ihivgiuniaktait Tuhaktitakhainik pikagiagani tamamik tuhagutikhait tunihimayut:
- Takuvikhait tuhagutikhait Uktuktut ovalo Kiuyut
- Makpigaat atikhimayut
- Tamamik ukautait hulihimayut
- Nani pilaakat, makpigaat himuktihimayukhat ukautainik ilaukatauyunut.
Aatjikutait Tuhaktitakkhait tunilugit Inunut ovaluniit havakviit katitikhimayut Kiuyut Tuhaktitakhainik. Kiuyut inminiigutikaktut kiulutik Tuhaktitakhainik.
Kiuyut iniktiktakhait Kiutjutikhait Tuhaktitakhainik makpigaat ovalo utiktilugit Katimayiit titigakvianut. Kiuyut kiulaaktut iluani 60nik ublunik.
Pigumik Kiutjutainik, aatjikutait tuniyukhat Uktuktumut.
Tuhaktitakhait ovalo Kiutjutait ihivgiuktauniaktut Katimayiinit (Ukaktut Ilanga 4 Ihivgiuktit). Hamna ihivgiugutait iniktiktukhat angigiagani naalaktait ovaluniit taimaaktiklugit Tuhaktitakhait atuklugit hapkoa ilangit ilihimayut Ilangani 23 ovalo 24 Pikuyakyuami:
- Pihimayut pihimayait iluani malguk ukiumi;
- Tuhaktitakhait tunihimayut kitkanit alanit Inumit;
- Ihuinaakhimayut munagiyauyukhat aalanik maligaliugutainik;
- Ihuinaakhimayut mikiyut, naluyauyut, kuvianaitut ovaluniit pihimayut ihuitumik ihumagiyainik;
- Ihuinaakhimayut ilauyut atauhimik pilaitainik;
- Ihuinaakhimayut pikaktut takuyakhainik ihuinaakhimayainik ovalo akigaktulaitait; ovalo
- Uktuktut tuniyauhimayut naamaktumik ihuakhagutikhainik.
Katimayiit tuniniaktut titigakhimayumik angigutainik Ilanga 4mi Ihivgiugutait tamamik Uktuktut ovalo Kiuyut. Angigutait pikaniaktut pikatalutik naalgutikhait ovaluniit taimaaklugit Tuhaktitakhait.
Tuhaktitakhait pilikpat Katimayiit ihuahanahuaktakhait Tuhaktitakhait atuklugit katimayiit, inminik ikayuktiit, nunaini inutukait ovaluniit aalat havakviit.
Uktuktut ovalo Kiuyut pitkuhimayut ilaulutik ikayuktimut ihuakhiyaangani ihuinaakhimayait.
Ihuinaakhimayut ihuakhakat ovalo angigutait angiktaakata, Tuhaktitakhait iniktut. Kihimi, ilaukatauyut tuningitpata angigutainik katitikhimayut angigutaanut, tunilaaktut Nunavumi Apikhuktinut ovalo atanguyaulutik mikhaanut Apikhuktit. Angikhimaitpata, Katimayiit naalaktiniaktut nani tamamik Uktuktut ovalo Kiuyut tunilaaktut tuhagutikhainik ataani ukatiaktut ovalo kaitkulugit ikayuktiit tuhakhimayunik.
Katimayiit Katimayi takuhimaitut Uktuktunik ovaluniit Kiuyunik naalaktititinagit naalaktainiaktuk Tuhaktitakhainik.
Naalaktiligiyit atugutait ilauyut naalagutainik tuhagutikhainik titigaklutik ovalo inminik ukaklutik takuhimayut, aatjikutaitut apikhukviit. Ilaukatauyut pikaktukhat akigaktuiyinik.
Naalaktaagumik takuyakhainik ovalo kanigutainik Uktuktunit ovalo Kiuyunit, Katimayiit anginiaktut Uktuktut ihuinaaktauhimayut ovalo pikpat, huliyukhat ihuakhagiagani.
Titigakhimayut angigutait titigaklugit tuhakhimayainik ovalo kanuk akigaktuitjutait atuniaktut. Inigutait angigutait ilaulaaktut pitkuyainik ilaukatauyut:
- Akiliklugit aalat ilaukatauyut,
- Nutkaklutik ihuinaagutait,
- Pilutik atugutait tamaat pilihimayuit,
- Mamiahuklutik, ovaluniit
- Ihuakhaklugit Katimayiit ihumayainik ihuinaakhimayut.
- Pitkuhimayut Katimayiinit atanguyaulaaktut Nunavumi Apikhukvimit.
Tuhaktitakhait atugutait takulaaktut hamani naunaiyautait ikpatauyainik.
Qanugitni Atuqtut Tuhaqhityutit talvunga Matyi 31, 2011
| Titiqat Nappaa |
Qanugitnia Titiqat | Piyauyuq | Atuqtut tapkunani (Ukiuni) |
| 05-13 | Naalakvikha Atugakhagialik | 08/11/2005 | 5.3 |
| 05-15 | Hivuani Naalakvikha Atugakhagialik | 08/12/2005 | 5.0 |
| 06-04 | Hivuani Naalakvikha Atugakhagialik | 23/10/2006 | 4.4 |
| 06-11 | Ihuaqhaiyi Atugakhaliaq | 11/01/2007 | 4.2 |
| 07-03 | Ihuaqhaiyi Atugakhagialik | 04/06/2007 | 3.8 |
| 07-05 | Hivuani Naalakvikha Atugakhagialik | 13/07/2007 | 3.7 |
| 08-06 | Ihumaliugut Utaqiyuq | 12/02/2009 | 2.1 |
| 09-01 | Tukhigaut utaqiyauyuq | 01/10/2009 | 1.5 |
| 09-02 | Ihuaqhaiyi Atugakhagialik | 02/10/2009 | 1.5 |
| 09-05 | Ihumaliugut Utaqiyuq | 10/12/2009 | 1.3 |