Huliniakat tunitaagupku Kiutjutitka?
Akigaktituiyiit havaktiit ihivgiuniaktait Kiutjutitit pihimayaanganik tuhagutikhait ilauyut, ilangit hapkoa:
- Namut titigalaakviit/tuhalaakviit;
- Makpigaat atiktuihimayut;
- Ilinit huhimayut ukautitit;
- Ikayugutikhait makpigaat, ovalo
- Pilaanikat ovaluniit apigiyauguvit, makpigaat himuktikhimayut ukautainut Ilaukatauyut atugumayainik;
Apigiyaugumik, Akigaktituiyit himuktitiniaktait makpigaat aalanut atuktait ukautainut.
Aatjikutait Kiutjutainut tuniniaktut Uktuktunit. Kiutjutait pingnikata nutaamik ihuinaagutainut akianut ilangani Uktukhimayut, Uktukhimayut kiulaaktut Kiutjutinit.
Tuhakgutikhait ovalo Kiutjutit ihivgiuktaakata Akigaktituiyinit (Ukakhimayut Ilangani 4 Ihivgiugutait) Hamna ihivgiugutait inikhimaniaktut kanuk iniktinahualugit ovaluniit taimaaktilugit Tuhagutikhait atuklutik hapkoninga maliktainut Ilangani 23 ovalo 24 Pikuyakyuami. Akiaktituiyit kininiaktut kanuk:
- Pihimayut iluanit malguuni ukiuni;
- Ihumagiyait munagiyaulaaktut ataani aalanut maligaliugutikhainit;
- Ihuinaagutait mikiyuk, kangiktaulaalaitut ovaluniit pihimayut ihuitumik;
- Piyakhait ihuinaagutaini pihimayut ilanganut piyakhaiyiinut ilanganut;
- Pikaktut takuyauhimayunit ihuinaaktitihimayut ovaluniit ukautainut hulihimayut ihumagiyagumik ihuinaaktitihimangitut; ovalo
- Uktukhimayuk tuniyaugumik naamagiyauyumik iniktigutikhainik.
Akigaktituiyit tuniniaktut titigakhimayumik angigutainik Ilangani 4 Ihivgiugutait tamamik ilinut Kiuyukhak ovalo Uktukhimayuk. Angigutait kanuginiaktuk iniktinahualugit ovaluniit nutkaktilugit Tuhagutikhait.
Tuhagutikhait pilaanigumik Akigaktituiyit pinahualaaktut iniktinahualugit Tuhagutikhait atuklutik Akigaktituiyinit, nangminik ikayuktiit, nunaliinit inutkuutainik ovaluniit aalanit havakviit.
Pilaanikat Akigaktituiyit pitkuniaktaatit ilvit ovalo Uktukhimayuk ilaulutik Ikayuktikalutik tunihimayait Akigaktituiyiinit iniktinahualugit ihumagiyainut.
Ihumagiyait inikhimanikat ovalo angigutikaliktut, ilvit ovalo Uktukhimayuup iniktikhimayukhauyut angikatigiigutikhainik ovalo Tuhagutikhait ihumagiyauniaktut iniktut.
Iniktigutikhait pingitpata, Akigaktituiyit naalaktiniaktut Tuhagutikhainut. Akigaktituiyiit takuyauhimaituk ilinut ovaluniit Uktukhimayunut Tuhagutikhainit ovalo ihivgiugutainut ilanganut tuniyauniaktut naalaktitilutik. Naalaktiligumik, ilvit ovalo Uktukhimayuk tunilaaktuhi takuyakhainik ataani angitiagutainut ovalo kaitkulugit takuhimayunik tunilaaktut hulimayait tuhagutikhainik ataani angitiakhimaluti, aatjikutainut apikhukviit atuktainut. Makpigaat atulaaktut takupkaitjutainik naalaktiligumik. Ilvit ovalo/ovaluniit Uktukhimayuk atulaaktuhi Akigaktiligiyinik naalaktiligumik.
Naalaktiligiyit takupkaitjutait ovalo kanikatigiigutait ilinit ovalo Uktukhimayumit, Akigaktituiyit anginiaktut kanuk ihuinaakhimayut ovaluniit ikhitaakhimayut ovalo kanuk ihuakhimaaktut pihimayainik.
Titigakhimayut angigutait titigakhimayunik takupkaihimayainut tuhakhimayait ovalo kanuk akigaktiligutait atuniaktait. Angikhimayait nalvaagumik ihuinaaktitauhimayuk ovaluniit ikhitaaktitauhimayuk, Akigaktituiyit pitkuniaktut ilaukatauyunut imaatut:
- Akiliklugit ihuinaaktitauhimayk maniinik akiliktigiaganik ihuinaagutait ovaluniit ikhitaagutait;
- Nutkakulugit piyakhaingitut ovaluniit nutkaktilugit pilailigiaganik hivunikhainut,
- Pilutik atugutikhainik tamaat pilihimatjutait munaginahuagiaganik ihuinaagutainut,
- Mamiahuklugit, ovaluniit
- Ihuakhaklugit pihimayait Akigaktituiyit ihumagiyainut naamakhigutikhait.
Pitkuhimayait Akigaktituiyit pitkulaaktait Nunavumi Apikhukviit.
Tuhagutikhait atugutainik ilauniaktut hamani Maligutait Naunaiyautait.